Les regles pour le jeu du billard premierement.

La Maison academique. Contenant un recveil general de tous les jeux divertissans pour se réjouyr agreablement dans les bonnes Compagnies. Jean Pinson de la Mariniere. 1654

1. Pour joüer le premier, faut mettre les billes fous la passe; & tirer au plus pres de la corde où font passées les fonnettes.
2. Le plus prés de ladite corde a le deuant, le dernier à l’hyuet.
3. Si le premier passe & butte, & le dernier aussi, ce n’eft rien de fait, finon que le dernier gaigne à joüer le deuant.
4. Si celuy qui a l’hyuet, passee & butte le premier, il gaigne le coup.
5. Qui touche les deux billes perd le coup.
6. Qui noye les deux billes perd le coup.
7. Qui touche billes deux fois perd le coup.
8. Qui fait fortir les deux billes, ou la fienne feule hors le tapis, perd Je coup.
9. On ne peut mettre la main fur le tapis, ny fur le bord, mais trop bien le genoüil.
10. Qui foussle la bille, ou n’a un pied à terre, perd le coup.
11. Bille touchée eft joüée: bille qui pofe ne peut eftre perduë.
12. Qui jouë Ie premier & fe belouze, perd le deuant.
13. Si celuy qui a l’hyuet fe belouze, il perd le coup.
14. Qui fait fauter la bille de fa partie hors le tapis gaigne le coup.
15. Defenfes de toucher à la passe, ny à la corde, pour les forcer en joüant.
16. Si celuy qui a le deuant butte, & au reuenir chasse ou touche la bille de celuy qui a l’hyuet, il la faut remettre en fa place.
17. Si la bille de celuy qui a le deuant fait butter l’autre bille, celuy qui a l’hyuet perd le coup.
18. Si la bille de celuy qui a le deuant fait butter l’autre bille, perd le coup.
19. Qui passe du premier coup dans la passe d’vn cofté ou d’autre, eft Fournier.
20. Eftant Fournier cinq ou fix fois, vne fois fe defourne fu ftit.
21. Defenfes de rompre la bille de celuy qui a l’hyuet, passe ou non, encores que vous ayez passe & buttè, à peine de perdre le deuant.
22. Eftant Fournier du cofté de l’ais où on acquitte,on fe peut defourner, passer & butter tour d’vn coup.
23. Qui butte à vne, ou deux bricolles, eft bon.
24. Le but au reuenir ne vaut rien.
25. Qui tire de la queuë du Billard perd le coup.
26. Defenfes d’arrefter vne bille pendant qu’elle roule, à peine de perdre le coup.
27. Si vn qui n’eft pas du jeu arrefte vne bille, elle doit demeurer où elle eft arreftée.
28. Bille qui fort hors le tapis, ne peut reuenir.
29. Defenfes de ne frapper du Billard fur le tapis, & de ne joüer qu’ à fon rang, à peine de perdre le coup.
30. De ne dresser fon compagnon à la bille, & ne le doit aussi dresser au but, à peine de perdre le coup.
31. Qui tire à quatre doigts de la corde, & gaigne la bille, gaigne le coup.
32. Qui tire à quatre doigts, & fe met dans vne belouze, ou toutes les deux billes, perd le coup.
33. Qui passe à quatre doigts, & ne le defend, eft bien passé, tant à la bricolle que tour droiet.
34. Qui tire à hauteur & gaigne vne bille, ne gaigne que le deuant.
35. Qui passe à hauteur du premier coup, s’il passe fans toucher bille n’eft rien, toucnanr bille eft bien passée, fe perdant perd le coup.
36. Les deux à la bille fe fait eftant d’accord, qui parle engage.
37. Le premier qui parle pour le jeu, oblige pour le refte.
38. Si voulant couper passe, vous faites passer vne bille, elle eft bien passée.
39. Si vne bille vous fait passer, eft bon.
40. Si joüant du cofté de la passe, vous faites pafser vne bille, elle eft bien passée.
41. Qui vient cinq à cinq, ou fept à fept de la partie, cela dépend de celuy qui a le deuant, de faire en deux venant.
42. Eftant prés de la corde, & eftant passé, joüant vne bille pour la gaigner, & ne la gaignant pas, vous touchez l’ais & reuient butter, eft bon.
43. Il faut joüer du bout du jeu, à peine de perdre.
44. On ne peut joüer que les billes ne foient arreftées, à peine de perdre.
45. Qui leue fa bille fans permission, perd le coup.
46. Qui quitte la partie, ou la remer, la perd.
47. On peut changer de Billard en joüant.
48. On ne jouë que quatre parties de huiet coups, ou fix de fix coups pour vn fol, ou de chacune partie fix deniers pour homme.

Fin du Jeu du Billard.

The original text in PDF format can be downloaded here:

Les regles pour le jeu du billard premierement. Jean Pinson de la Mariniere. 1654.